von Meike Wiemken
An Middeweeken den 19. April hett de Nedderdütsche Bühn Waterkant to de diesjährige Versammlung inladen. Neben annere wichtige Saken hebbt se dar ok över den Speelplan for de Speeltied 2023/24 snackt. Dat geiht los mit een heiteren 1-Akter in´t Geetbuernhus op de Geesthofanlag in´n Speckenbütteler Park. Wi hebbt us bannig freut, dat wi de Mitgleeders seggen kunn´n dat dat dit Jahr wedder de Bratwust övert Füer gifft, achteran. Ok bi de Bedeenung wart sik wat ännern: Dit Jahr makt dat de Mitgleeders van de Niedderdütsche Bühn sülvst!
Erst ward dat amtlich denn gifft dat Nee´t
Toerst keem de Jahres- un denn de Kassenbericht ut dat vergahn Jahr. De weer heel akraat un denn kunn de Andrag op Entlastung stellt war´n. Dat de Vosrtand un de Schatzmeistersch goot arbeit hett. In Ansluss hebbt wi us nee´e Website vorstellt. Wi sünd bannig stolt, dat wi de nu ennelk presenteeren köönt. Tadaaaa… un op eenmal hebbt se all mit se ehre Handys vor de Nees darseten un „scrollen“ sik dör dat Net! Wokeen keen egen Handy darbi harr hett eenfach bi sein Naber mit rinkeken. Dat hett villicht utsehn! As op´n mal all mit ehre handy an „Dadeln“ weer´n. Un dat während de Versammlung!! Naja, dat weer ja for een goden Zweck.
De Vorstand makt wieter
Bi de Wahlen dit Jahr is rutkamen, dat de Vorstand blifft as in de vergahn Jahr`.
Bühnenleiterin Meike Wiemken
Stellvtr. Sophia Oetjen
Geschäftsführer Hubert Stell
1. Beisitzerin Lena Mädje
2. Beisitzerin Verena Hoechst
Schatzmeisterin Silke Thomas
So veele Jahre Theaterleevde
In jedeen Jahr gifft dat ok Ehrungen for de Mitgleeders, de all een heel lange Tied to us Vereen to hört. Dit Jahr hebbt wi us ganz besünners daröver freut, dat dat glieks söchs Mitgleeders weern, de de Nedderdütsche Bühn Waterkant so lang all tro anne Siet stahn. Wi bedankt us vun Harten dafor, dat se jemehre Freetied un ehre Begeisterung an den Vereen wietergifft.
Carsten Lappöhn 10 Jahr
Angelika Michael 20 Jahr
Michael Schwarzenberg 30 Jahr
Werner Michael 40 Jahr
Alfred Hachmann 45 Jahr (is op dat Foto nich mit darbi)
Hans-Dieter Wiemken 65(!!) Jahr
